"როგორც სამყაროს მარადისი ყოფნის დასტური, იდგნენ დოქები შროშის შარაზე და შემოერტყათ წელზე დოინჯი. "
(თამარ ერისთავი)
საქართველოში იშვიათია სოფელი, რომელსაც ქვეყნის თითქმის ყველა კუთხეში იცნობენ. შროშა საქართველოში ასეთი მნიშვნელობის სოფელია. მას ბევრი სიმდიდრე მოეპოვება, რომელთაგან ყველაზე მნიშვნელოვანი ისეთი მიწის არსებობაა, რომლისგანაც კერამიკული ნაწარმი მზადდება. თიხის ნაკეთობები არა მარტო საქართველოშია განთქმული, არამედ სხვა ქვეყნებშიც.
